కొంటె కోతి - తెలుగు గేయాలు

కోతిబావ నీకు కాస్త కోపమెక్కువ
కొంటెపనులు అంటె నీకు కోరికెక్కువ
చిలిపివాళ్లు పలుకరిస్తే చిందులెక్కువ
అరటిపళ్లు చూస్తే చాలు ఆశలెక్కువ
పిందేలన్ని తుంచిపెట్ట ప్రీతి ఎక్కువ
కాని పనులు చేయుటలో గర్వమెక్కువ
కొబ్బరంటే చాలు నీకు ఇష్టమెక్కువ
రొట్టె ముక్క చూస్తేనేమో లొట్టలెక్కువ
దుకాణాలు చూస్తే నీకు దూకుడెక్కువ
కర్రపుల్ల చూడగానే కంపమెక్కువ
గుణములన్ని ఎంచిచూడ కుదురు తక్కువ
గుడి గోపురమెక్కితే గంతులెక్కువ