సుమతీ శతకం - కూరిమిగల దినములలో
కూరిమిగల దినములలో
నేరము లెన్నడును గలుగ నేరవు ; మఱియా
కూరిమి విరసంబైనను
నేరములే తోచుచుండు నిక్కము సుమతీ !
అర్థాలు : కూరిమి = స్నేహం ; నేరము = తప్పు ; విరసము = విరోధము ; నిక్కము = సత్యము
భావము : మనం ఎవరితోనైనా స్నేహంగా ఉన్నపుడు వారు తప్పుచేసినా మనం పట్టించుకోము. వారి తప్పులు కనిపించవు . కానీ వారికీ మనకు విరోధము ఏర్పడితే వారు ఏది చేసినా మనకు అన్నీ తప్పులుగానే కనిపిస్తాయని భావం.
No comments:
Post a Comment